كثير ما نسمع من بنات هذة الأيام جملة شهيرة "أنا عايزة أتجوز" لدرجة إنه تم تقديم مضمون هذه العبارة فى عمل فنى شهير قامت ببطولته النجمة هند صبري التى كانت تعاني من العنوسة لكن علي الجانب الآخر توجد مئات الفتيات المدللات اللاتى لا يفهمن معنى الزواج والإستقرار عكسن الآية : "أنا مش عايزة أتجوز ..وهطفش عريسي " ! هذا بخلاف اللى بيطفشوا جاهزين يعنى! ,,ووضعوا الخطط لتطفيش العرسان خاصة من جواز الصالونات التقليدى الذى أصبحت ترفضه معظم الفتيات الآن ومن هذه الخطط :
1- فى البداية لا تظهري لأهلك عدم الرضا ... (عشان تعرفي تكملي الخطة)
2- أهم شئ فى الخطة من يوم ما تسمعي بالعريس لحد ما ييجي ماتنسيش تاكلى بصل كتير واذا كان فيه ثوم يبقى خييييرو بركة .. طبعا (انتي بتساعدي ماما ما حدش هيقول حاجة)
لقبل الموعد بساعة (عشان وشها يستريح ) وكدا بتكوني ضيعتي على أهلك فرصة إنهم يكشفوكي.
4-أهل العريس جم... سلمي على والدته بكل برود ... وإعملي نفسك متضايقة و شايفة نفسك بعدها اسحبي نفسك على غرفتك ... وإليكي خطوات أحلى ميك اب لزوم الخطة لأحلى مناسبة: الكحل : الكحل جميل جدا على العيون ... اتكحلي ... بس خلي الكحل فى عين أكتر من الأخرى.. وكده تضمني تكوني (حولة رسمي) كريم الاساس: أكيد عايزين كريم أساس بس على الشفايف ..كدا يبان إصابتك بأنيميا .. الشادو : ضعى الشادو الأسود على العيون وتقلييييه مع شادو اصفر على وشك بدل (البلاشر) ووكداااااااااا يبان عندك ينهار أبيض كوليرا .... و لازم تلبسي أحلى موديل :جيبه خضرا (لون الخيار ) ، و بلوزة حمرا (لون الحب)ولو محجبة لفي طرحة مطرقعة من سنة 1956 والسابو من العصر الحجري... 5- روحي عالمطبخ عشان تأخدي القهوة ... بس أوعي ماما تاخد بالها من العك..
6- إمشي بكل ثقة الى غرفة الضيوف ...(كل ما تكون ثقتك بنفسك أكتر أهل العريس يفتكروا إنك خبيرة في الأمور دي)... وكدا.... الفار يلعب فى عب أبو العريس ...
ويسأل نفسه>>مدام هى خبيرة كدا ليه اللي قبلنا طفشو؟! إمسكي القهوة ... بصي فى عيونه (وإحولي عينيكي)... المسكين يكون وقع في الصدمة (من أول نظرة)،ومن شدة الصدمة هينسى القهوة... وطعمها المريب طبعا سيبي الرجالة يتكلمو في المهم .... ارجعي لأم العريس اللي عايزة تشوف جمال شعرك المرة دي مش هنعمل مقلب ... خليه حلو مافيش مشكلة ... سشوريه و زبطيه بس اقعدي اهرشي قدامها ... تخيلي إنك في حديقة حيوانات في راسك ...معلش إستحملي مش إنتي عايزاة يطفش!!
مسكينة طنط (أم العريس) اذا نفذتي الخطوات مية بالمية باقي إنك .. هتسمعي كلمة : " يا الله " وتسمعي صوت بابا بيقول للجماعة "شرفتونا" ... لأن الضيوف عايزين (يفلسعوا ) قبل ما يتدبسوا لكن بعد كل هذا عزيزتى البنوتة إللى عايزة تطفش العريس أتمني إنك تفكري مليون مرة قبل ما تتخذي أي قرار يتعلق بمستقبلك وحياتك العاطفية وإستقرارك الأُسري.
من طرف amera mero الأحد ديسمبر 01, 2013 2:09 pm
